लखनौ -राम मंदिर बांधण्यासाठी ज्याप्रमाणे तुम्ही ट्रस्टची स्थापना केली, त्याप्रमाणे मशीद बांधण्यासाठी ट्रस्ट का नाही बनवू शकत? असा प्रश्न विचारत शरद पवार यांनी केंद्र सरकारवर जोरदार निशाणा साधला आहे. ते लखनौमध्ये बोलत होते.
लखनौमध्ये राष्ट्रवादी काँग्रेसचे संमेलन आज पार पडले. या संमेलनासाठी पक्षाध्यक्ष शरद पवार, आणि राष्ट्रवादीचे नेते प्रफुल पटेल उपस्थित होते. दुपारी कार्यक्रमाच्या सुरुवातीला शरद पवार यांनी माध्यमांशी बोलण्यास नकार दिला होता. त्यावेळी प्रफुल पटेल यांनी माध्यमांशी चर्चा करत, येत्या विधानसभा निवडणुकांसाठी उत्तर प्रदेशमध्ये राष्ट्रवादी जोरदार तयारीने उतरणार असल्याचे म्हटले होते.