कोरोनाग्रस्तावर देखरेख ठेवणाऱ्या आरोग्य कर्मचाऱ्यांवर बंगळुरूत हल्ला

जवळपास ४० ते ५० लोकांचा समूह माझ्याजवळ आला आणि त्यांनी मला घेरत माझ्या कामावर आक्षेप नोंदवला. मेडिकल रेकॉर्डची नोंद असलेली वही ते घेऊन गेले आणि त्यांनी इतर रहिवाशांना बजावले, की कुठलीही माहिती यांना देऊ नका, अशी आपबीती एकाने सांगितली.

बंगळुरू- शहरातील सादिक नगर परिसरातील एका रुग्णालयातील कर्मचाऱ्यांवर टवाळखोरांनी हल्ला केल्याची घटना समोर आली आहे. रुग्णालयातील कोरोनाबाधित रुग्णाची सुश्रुषा करणाऱ्या आरोग्य कर्मचाऱ्यांच्या एका समुहावर काही समाजकंटकांनी हल्ला केल्याची घटना उघडकीस आली आहे.

जवळपास ४० ते ५० लोकांचा समूह माझ्याजवळ आला आणि त्यांनी मला घेरत माझ्या कामावर आक्षेप नोंदवला. मेडिकल रेकॉर्डची नोंद असलेली वही ते घेऊन गेले आणि त्यांनी इतर रहिवाशांना बजावले, की कुठलीही माहिती यांना देऊ नका, अशी आपबीती एकाने सांगितली.

कोरोनाची लागण झालेली व्यक्ती मरण पावेल. तुम्ही काळजी करू नका, असे ते टवाळखोर ओरडत होते, असेही कर्मचाऱ्यांनी सांगितले.

दरम्यान, सर्व घटनेची माहिती मिळताच पोलीस घटनास्थळी दाखल झाले. गर्दी बाजूला करत त्यांनी कर्मचाऱ्यांना सुखरूप बाहेर काढले. याप्रकरणी पोलीस तपास सुरू आहे.