श्रीनगर - सीमा सुरक्षा दल(बीएसएफ), लष्कर आणि काश्मीर पोलिसांनी केलेल्या कारवाईत चार दहशतवाद्यांचा खात्मा करण्यात आला आहे. कुलगाम जिल्ह्यातील गुद्देर परिसरामध्ये ही चकमक सुरू आहे. याप्रकरणी अद्याप कारवाई सुरू असून सविस्तर माहिती मिळाली नाही. केंद्रीय राखीव दलाचे जवानांनीही कारवाईत सहभाग घेतला आहे.
आज पाकिस्तानमधून पंजाबमार्गे भारतात घुसखोरी करण्याच्या प्रयत्नात असलेल्या पाकिस्तानी नागरिकाला गोळ्या घालून ठार करण्यात आले आहे. ठार करण्यात आलेला व्यक्ती वारंवार इशारा देऊनही ऐकत नसल्याने बीएसएफच्या जवानांनी गोळीबार केला. त्यानंतर आता पुन्हा दहशतवाद्यांशी चकमक झाली.