गुजरातमध्ये जोरदार पाऊस.. नर्मदा धरणातील जलस्तर उच्चांकी पातळीवर

२०१७ मध्ये नर्मदा नदीच्या धरणातील पाणी पातळीने १३८ मीटर इतकी उंची गाठली होती. सध्या होत असलेली पाण्याची आवक पाहता लवकरच १३८ हा आकडा पार होईल असे चित्र आहे.

गांधीनगर - नर्मदा नदीवर असलेल्या सरदार सरोवरातील पाणीसाठा मोठ्या प्रमाणात वाढला आहे. त्यामुळे नर्मदा नदीवरील धरण इतिहासात पहिल्यांदाच १३८.६२ मीटर पाणी पातळी ओलांडणार आहे. सध्या धरणात १३७.९९ मीटर पाणी पातळी आहे.

मागील काही दिवसात गुजरातमध्ये जोरदार पाऊस झाल्याने धरणात पाण्याची आवक सुरू आहे. मध्य प्रदेश, महाराष्ट्र, इंदिरा सागर आणि ओमकारेश्वर धरण या ठिकाणांहून ७ लाख ३० हजार ५५८ क्युसेक इतके पाणी सरदार सरोवरात येत आहे. धरणाच्या २३ दरवाजे ४.१० मीटरने उघडण्यात आले आहेत. ७ लाख ३० हजार ९१५ क्युसेक पाणी नर्मदा नदी पात्रात सोडले जात आहे.

हेही वाचा - तेलंगाणाच्या मुख्यंमत्र्यांच्या निवासस्थानातील श्वान मेल्यानं डॉक्टरवर गुन्हा दाखल

२०१७ मध्ये धरणानातील पाण्याने १३८ मीटर इतकी उंची गाठली होती. सध्या होत असलेली पाण्याची आवक पाहता लवकरच १३८ हा आकडा पार होईल असे चित्र आहे. धरण परिसरातील १७५ गावातील लोकांना प्रशासनाने सुरक्षित स्थळी हलवले आहे.
येत्या १७ सप्टेंबरला पंतप्रधान नरेंद्र मोदी नर्मदा नदीची आरती करण्यासाठी येणार आहेत. त्यामुळे प्रशासनाकडून सुरक्षिततेच्या पुर्ण उपाययोजना करण्यात येत आहेत.