वादग्रस्त घोषणाबाजीनंतर अनुराग ठाकूर अडचणीत; निवडणूक आयोगाची नोटीस

सोमवारी दिल्लीत आयोजित एका रॅलीत वादग्रस्त घोषणाबाजी केल्यानंतर भाजप खासदार आणि मंत्री अनुराग ठाकूर अडचणीत आले आहेत. निवडणूक आयोगाने त्यांच्या घोषणेवरून नोटीस पाठवली आहे.

नवी दिल्ली - राजधानी दिल्लीमध्ये विधानसभा निवडणुकीचा जोरदार प्रचार सुरू आहे. निवडणूक रॅली दरम्यान एकमेकांवर आरोप प्रत्यारोप करण्यात येत आहेत. सोमवारी दिल्लीत आयोजित एका रॅलीत वादग्रस्त घोषणाबाजी केल्यानंतर भाजप खासदार आणि मंत्री अनुराग ठाकूर अडचणीत आले आहेत. निवडणूक आयोगाने त्यांना याप्रकरणी नोटीस पाठवली आहे.

काय घोषणा दिली होती?दिल्लीतील भाजप उमेदवाराच्या प्रचारासाठी सोमवारी एका रॅलीचे आयोजन करण्यात आले होते. त्यावेळी अनुराग ठाकूर यांनी 'देश के गद्दारोंको...अशी घोषणा दिली होती, त्यांच्या या घोषनेनंतर उपस्थितांनी 'गोली मारो *** को' असे नारे दिले होते. या घटनेनंतर निवडणूक आयोगाने त्यांना नोटीस पाठवली आहे. तसेच ३० जानेवारीला दुपारी दोनपर्यंत उत्तर देण्याचे आदेश दिले आहेत.