नवी दिल्ली - विधानसभेच्या विशेष अधिवेशनात केजरीवाल सरकारने राष्ट्रीय लोकसंख्या नोंदणी(एनपीआर) आणि राष्ट्रीय नागरिकत्व नोंदणी(एनआरसी) विरोधात ठराव मंजूर केला आहे. सरकारमधील मंत्री गोपाल राय यांनी मांडलेला ठराव सर्वानुमते मंजूर करण्यात आला आहे.
मंत्री गोपाल राय यांनी मांडलेला ठराव सर्वानुमते मंजूर करण्यात आला
एनआरसी आणि एनपीआरवरून नागरिकांमध्ये भीती निर्माण झाली आहे. लोकांमध्ये अशी समज आहे की, सरकार नागरिकत्व सिद्ध करण्यासाठी कागदपत्रे मागणार आहे. तसेच एनपीआरच्या माहितीच्या आधारे नवीन राष्ट्रीय नागरिकत्व नोंदणी तयार करणार आहे. ज्या नागरिकांना नागरिकत्व सिद्ध करता येणार नाही, त्यांना डिटेंशन सेंटरमध्ये पाठवण्यात येईल, अशी भीती नागरिकांमध्ये पसरली आहे, असे ठरावात नमुद करण्यात आले आहे.