नवी दिल्ली -तीस हजारी न्यायालयाच्या आवारात शनिवारी पोलीस व वकिलांमध्ये शाब्दिक वादाला हिंसात्मक वळण लागले होते. त्याप्रकरणी न्यायालयाने दिल्ली उच्च न्यायालयाचे माजी न्यायाधीश न्यायमूर्ती एसपी गर्ग यांच्या नेतृत्वाखाली न्यायालयीन चौकशी करण्याचे आदेश दिले आहेत.
संबधीत घटनेमध्ये जखमी वकिलांची साक्ष नोंदवून घेण्याचे आदेश उच्च न्यायालयाने दिल्ली पोलीस आयुक्तांना दिले आहेत. तसेच आरोपी पोलीस अधिकाऱ्यांना निलंबित करण्यात आले आहे. प्रकरणाची तपासणी करण्यासाठी स्वतंत्र समिती गठीत करण्यात येणार आहे. येत्या 6 आठवड्याच्या आत तपास पुर्ण करून न्यायालयात अहवाल जमा करावा, असे आदेश उच्च न्यायालयाने दिले आहेत.