नवी दिल्ली - देशभरात कोरोनाचा प्रसार झाल्यापासून शाळा महाविद्यालये बंद आहेत. त्यामुळे नॅशनल कॅडेट कॉर्प्स म्हणजेच एनसीसी छात्रांचे प्रशिक्षण बंद आहे. त्यावर उपाय म्हणून संरक्षण मंत्रालयाने गुरुवारी छात्रांना प्रशिक्षणात सहाय्य करण्यासाठी मोबाईल अॅपलिकेशन लॉन्च केले आहे.
'कोरोनाच्या प्रसारानंतर लागू केलेल्या निर्बंधामुळे एनसीसी विद्यार्थ्यांच्या प्रशिक्षणावर आणि सरावावर परिणाम झाला आहे. कारण प्रशिक्षण देताना एकमेकांशी जवळून संबध येतो. येत्या काही दिवसांत शाळा महाविद्यालये सुरू होण्याची शक्यता कमी आहे. अशा काळात एनसीसी छात्रांना डिजिटल माध्यमातून प्रशिक्षण देण्यात द्यायला पाहिजे, असे संरक्षण मंत्रालयाने जारी केलेल्या पत्रकात म्हटले आहे.