नवी दिल्ली - ईशान्य दिल्ली हिसांचाराच्या घटनेवरून राहुल गांधी आणि इतर काँग्रेस खासदारांनी संसद परिसरामध्ये आज आंदोलन केले. महात्मा गांधीच्या पुतळ्याजवळ काळ्या फिती बांधुन खासदारांनी जातीय दंगलीचा निषेध केला. दिल्ली हिंसाचारात मृतांचा आकडा ५३ वर पोहोचला आहे. काँग्रेसने या घटनेवर लोकसभेत आणि राज्यसभेत चर्चेची मागणी करत अनेक वेळा कामकाज बंद पाडले आहे.
गोंधळाच्या पार्श्वभूमीवर राज्यसभेचे कामकाज ११ मार्चपर्यंत स्थगित करण्यात आले आहे. काँग्रेस खासदारांनी केंद्रीय गृहमंत्री अमित शाह यांच्या राजीनाम्याची मागणी केली. आत्तापर्यंत हिंसाचारात ५३ जणांचा मृत्यू झाला असून ३०० पेक्षा जास्त नागरिक जखमी झाले आहेत.
दिल्ली हिंसाचराच्या मुद्द्यावरून काँग्रेस खासदारांचं संसदेबाहेर आंदोलन