भोपाळ -महात्मा गांधींचा मारेकरी नथुराम गोडसे याला देशभक्त म्हटल्यामुळे भाजप नेत्या प्रज्ञा ठाकूर चांगल्याच अडचणीत आल्या आहेत. याबाबत बोलताना, मध्य प्रदेशमधील काँग्रेस आमदार गोवर्धन दांगी यांनी प्रज्ञा ठाकूर यांच्यावर जोरदार टीका केली आहे. त्या जर मध्य प्रदेशमध्ये आल्या, तर त्यांना आम्ही जिवंत जाळू अशी धमकी दांगी यांनी दिली आहे.
..तर प्रज्ञा ठाकूरला जिवंत जाळू; काँग्रेस नेत्याची धमकी!
प्रज्ञा ठाकूर यांच्या वक्तव्याविरोधात देशभरातून निषेध व्यक्त करण्यात येत आहे. त्यासाठीच मध्य प्रदेश काँग्रेसनेही निषेध मोर्चाचे आंदोलन करण्यात आले होते. यावेळी माध्यमांशी बोलताना दांगी म्हणाले की, प्रज्ञा ठाकूर यांनी केलेले वक्तव्य हे निंदनीय आहे. त्याच्या निषेधार्थ आम्ही केवळ त्यांचा पुतळाच नाही, तर मध्य प्रदेशमध्ये जर त्यांनी पाऊल ठेवले, तर त्यांनाही आम्ही जाळू असे ते म्हणाले.