पश्चिमी चंपारण -चीनचे राष्ट्रपती आणि जागतिक आरोग्य संघटनेचे संचालक यांनी संपूर्ण जगाविरोधात कट रचत, जगात कोरोना विषाणूचा फैलाव केला आहे, असा आरोप करत बिहारच्या एका वकिलाने त्यांच्याविरोधात एक याचिका दाखल केली आहे. ही याचिका बेतिया न्यायालयाच्या मुराद अली नावाच्या वकिलांनी दाखल केली. महत्वाची बाब म्हणजे, त्यांच्या या याचिकेचा स्वीकार सीजेएम न्यायालयाने केला आहे.
काय आहे आरोप -
चीनचे राष्ट्रपती शी जिनपिंग आणि जागतिक आरोग्य संघटनेचे संचालक डॉ. टेडरॉस एथानम गँब्रेसस यांनी संपूर्ण जगाविरोधात कट रचला. त्यांनी जाणीवपूर्वक कोरोना विषाणू संपूर्ण जगात पसरवला. या विषाणूमुळे लाखो लोकांना आपले प्राण गमवावे लागले, असा आरोप मुराद अली यांनी केला आहे. त्यांनी भारतीय दंड विधान कलम 269, 270, 271, 302, 307, 500, 504 व 120 बी नुसार ही याचिका दाखल केली आहे.
वकील मुराद अली माहिती देताना...