नवी दिल्ली - महात्मा गांधींना 'भारतरत्न' हा भारताचा सर्वोच्च नागरी पुरस्कार देण्याबाबत सर्वोच्च न्यायालयाने सरकारला निर्देश द्यावेत, अशी मागणी करणारी एक जनहित याचिका दाखल करण्यात आली होती. यावर निर्णय देत सर्वोच्च न्यायालयाने आपण सरकारला असे कोणतेही निर्देश देणार नसल्याचे स्पष्ट केले.
याबाबत निकाल देताना, महात्मा गांधी हे भारताचे राष्ट्रपिता आहेत. हा मान कोणत्याही नागरी पुरस्कारापेक्षा उच्च असल्याचे निरिक्षण यावेळी सर्वोच्च न्यायालयाचे सरन्यायाधीश शरद बोबडे यांनी नोंदवले.