नवी दिल्ली - देशभरात आज एकूण ७०४ नव्या कोरोनाग्रस्तांची नोंद झाली. कोरोनाचा पहिला रुग्ण आढळून आल्यापासून एका दिवसात झालेली ही सर्वात मोठी वाढ आहे. यामुळे देशातील एकूण कोरोनाग्रस्तांची संख्या ४,२८१ झाली आहे.
दरम्यान एकूण रुग्णांपैकी ३,८५१ रुग्ण हे अ‌ॅक्टिव आहेत. तर आतापर्यंत सुमारे ३१८ रुग्णांवर यशस्वी उपचार करण्यात आले आहेत. तसेच, देशात गेल्या २४ तासांमध्ये कोरोनाच्या २८ नव्या बळींची नोंद झाली आहे. त्यामुळे देशातील एकूण बळींचा आकडा १११ वर पोहोचला आहे.