धनबाद (झारखंड) - लग्नसमारंभात सहभागी झालेल्या एका वृद्ध महिलेसह तिच्या पाच मुलांचा कोरोनाने मृत्यू झाल्याची घटना समोर आली आहे. एकानंतर एक अशी एकूण सहा जणांचा मृत्यू झाला. ही घटना धनबादच्या बाघमारा येथे घडली. या घटनेने परिसरात खळबळ माजली आहे. तर लोकांमध्ये भयाचे वातावरण आहे.
या परिवारातील सर्वात वृद्ध 88 वर्षाची महिला एका नातेवाईकाच्या लग्नसमारंभात सहभागी झाली होती. यानंतर या महिलेला कोरोनाची लागण झाल्याचे समोर आले होते. तसेच रानीबाजारमधील या महिलेचा 4 जुलैला बोकारोच्या चास येथील नीलम नर्सिंग होम येथे कोरोनाने मृत्यू झाला होता. यानंतर तिच्यासह एकामागे एक तिच्या पाच मुलांना कोरोनाची लागण झाली होती. यासर्वांचा कोरोनाने मृत्यू झाला.