नवी दिल्ली -जर तुम्ही या आठवड्यात काही महत्त्वाच्या कामासाठी बँकेत जाण्याचा विचार करत असाल तर तुमच्यासाठी ही महत्त्वाची बातमी आहे. देशातील विविध शहरांमधील सार्वजनिक आणि खासगी क्षेत्रातील बँका गुरुवारपासून सुमारे पाच दिवस बंद राहणार आहेत. बँक सुट्टी एकाच वेळी सर्व राज्यांना लागू होत नाही. आजपासून सलग 5 दिवस बँकांना सुट्टी असणार आहे. तुमच्या कामाचा खोळंबा होऊ नये म्हणून आम्ही सुट्ट्यांची यादी देत आहोत. रिझर्व्ह बँक ऑफ इंडिया (RBI) च्या वेबसाइटनुसार, नोव्हेंबर 2021 च्या पहिल्या आठवड्यात सणांमुळे अनेक राज्यांमध्ये सुट्टी असेल.
| दिनांक | राज्य | सण |
| 3 नोव्हेंबर | बंगळुरू (कर्नाटक) | नरक चतुर्दशी |
| 4 नोव्हेंबर | कर्नाटक वगळता सर्व राज्य | दिवाळी (लक्ष्मी पूजन) |
| 5 नोव्हेंबर | अहमदाबाद, कानपुर, गंगटोक, जयपूर, देहराडून, नागपूर, बंगलुरू, बेलापूर, मुंबई आणि लखनऊ | दिवाळी (बली प्रतिपदा) |
| 6 नोव्हेंबर | इंन्फाल, कानपूर, गंगटोक, लखनऊ आणि शिमला | भाऊबीज |
| 7 नोव्हेंबर | सर्व राज्य | रविवार |