हैदराबाद - देशात कोरोनाची दुसरी लाट पसरली आहे. कोरोना विस्फोटामुळे भारतात दुसरी लाट आल्याचा अंदाज वर्तवला जात आहे. कोरोनाची दुसरी लाट वेगवेगळया भागात वेगवेगळ्या वेळेत आली असून तिला रोखण्यासाठी प्रशासनाकडून आटोकाट प्रयत्न केले जात आहेत. या लाटेत दररोज कोरोनाची लागण होणाऱ्याची संख्या लाखांवर तर मृतांचा संख्या हजारांवर पोहचली आहे.
कोरोनाचा प्रसार ज्या वेगाने झाला आहे. त्याच प्रमाणात कोरोनाची लक्षणे, निदान आणि उपचारसंदर्भातील चूकीची माहिती सोशल माध्यमांवर पसरली आहे. यामुळे नागरिकांमध्ये भीतीचे वातावरण आहे. यामुळे अगदी सौम्य लक्षणे असलेले लोक रुग्णालयात गर्दी करत आहेत, तर काही डॉक्टरांच्या सल्ल्याशिवाय सीटी स्कॅन करून घेत आहेत. ही सर्व परिस्थिती लक्षात घेता हैदराबादस्थित गॅस्ट्रोएन्टेरोलॉजी आशियाई संस्थेने (उदरांत्रविकारांचा अभ्यास करणारी आशियाई संस्था) कोरोनासंदर्भात लोकांमध्ये जागृती निर्माण करण्यासाठी मार्गदर्शिका तयार केली आहे. ही मार्गदर्शिका एआयजीचे अध्यक्ष व एमडी डॉ. डी. नागेश्वर रेड्डी आणि एआयजीचे संचालक डॉ. जी व्ही राव यांनी तयार केली आहे.