अ‍ॅमनेस्टी इंटरनॅशनल इंडियाचे माजी प्रमुख आकार पटेल यांना देश सोडण्यापासून रोखले

माजी पत्रकार आणि मानवाधिकार कार्यकर्ते आकार पटेल यांना बंगळुरू विमानतळावर ( Activist Aakar Patel stopped from leaving India ) देश सोडण्यापासून रोखण्यात आले. याबाबत पटेल यांनी ट्विटरवर माहिती दिली.

नवी दिल्ली -माजी पत्रकार आणि मानवाधिकार कार्यकर्ते आकार पटेल यांना बंगळुरू विमानतळावर ( Activist Aakar Patel stopped from leaving India ) देश सोडण्यापासून रोखण्यात आले. याबाबत पटेल यांनी ट्विटरवर माहिती दिली. बंगळुरू विमानतळावर देश सोडण्यापासून मला थांबवले. मी एक्झिट कंट्रोल लिस्टमध्ये आहे. यूएस च्या ट्रिपसाठी कोर्टाच्या आदेशाद्वारे पासपोर्ट परत मिळवला होता. सीबीआयने लिस्टमध्ये टाकल्याचे इमिग्रेशन म्हणाले. पण असे का? असा प्रश्न ट्विटद्वारे पटेल यांनी केला.

हेही वाचा -Online Classes Impact : ऑनलाइन अभ्यासामुळे मुलांमध्ये नैराश्य! पालकांनो काळजी घ्या...

अ‍ॅमनेस्टी इंटरनॅशनल इंडियाविरुद्ध मोदी सरकारने केस दाखल केली आहे. त्यामुळे, मी लूक-आऊट सर्क्युलरवर आहे, असे सीबीआय अधिकाऱ्याने सांगितल्याची माहितीही पटेल यांनी दिली.

कोण आहेत आकार पटेल? :आकार पटेल हे अ‍ॅमनेस्टी इंडियाचे माजी प्रमुख आहेत. यापूर्वी त्यांच्यावर कथितरित्या भारतीयांना अमेरिकेप्रमाणे निषेध करण्यासाठी आहावन केल्याबाबत गुन्हा दाखल झाला होता. भादंविच्या कलम ११७, 153 आणि ५०५-१-बी अन्वये गुन्हा जेसी नगर पोलीस ठाण्यात नोंदवण्यात आला होता.

काय होता गुन्हा : 2 जून 2020 रोजी दाखल केलेल्या गुन्ह्यानुसार, पटेल यांनी ट्विट केले होते की, जॉर्ज फ्लॉइडच्या मृत्यूबाबत ज्याप्रकारे अमेरिकेत निषेध होत आहे, त्याच प्रकारच्या निषेधाची गरज भारतातील उपेक्षित समुदायांना देखील आहे, असे ते म्हणाले होते.

हेही वाचा -वाराणसीतील 'या' मंदिरात कुलूप लावूनच का केला जातो नवस? जाणून घ्या..