भारतीय विमानतळ प्राधिकरण (AAI Recruitment 2022 For 55 Posts) ने विविध विभागांमध्ये वरिष्ठ सहाय्यक आणि कनिष्ठ सहाय्यक पदांच्या भरतीसाठी जाहिरात प्रसिद्ध केली आहे. 12 ऑक्टोबर 2022 रोजी प्राधिकरणाने जारी केलेल्या भरती जाहिरातीनुसार राजभाषा, मानव संसाधन, संचालन, इलेक्ट्रॉनिक्स आणि वित्त विभागात 32 वरिष्ठ सहाय्यकांची भरती केली जाणार आहे. तसेच अग्निशमन सेवा विभागात २३ कनिष्ठ सहाय्यकांची भरती करण्यात येणार आहे. Job Recruitment
अर्ज करण्यास लागणारे शुल्क :विमानतळ प्राधिकरणातील कनिष्ठ सहाय्यक किंवा वरिष्ठ सहाय्यक या पदांसाठी अर्ज करू इच्छिणारे उमेदवार प्राधिकरणाच्या अधिकृत वेबसाइट, aai.aero वर उपलब्ध करून दिलेल्या ऑनलाइन अर्जाद्वारे अर्ज करू शकतात. अर्ज प्रक्रिया 15 ऑक्टोबरपासून सुरू होईल आणि उमेदवार 14 नोव्हेंबर 2022 पर्यंत अर्ज सादर करू शकतील. अर्जादरम्यान, उमेदवारांना ऑनलाइन माध्यमातून 1000 रुपये शुल्क भरावे लागेल. तसेच, एससी, एसटी, दिव्यांग, माजी कर्मचारी, (AAI) शिकाऊ प्रशिक्षण आणि सर्व श्रेणीतील महिला उमेदवारांना अर्ज शुल्क भरावे लागणार नाही.
अर्ज करण्यास लागणाऱ्या पात्रता : विमानतळ प्राधिकरणाने जारी केलेल्या भरती जाहिरातीनुसार, कनिष्ठ सहाय्यक पदांसाठी अर्ज करण्यासाठी उमेदवारांनी किमान ५०% गुणांसह १२वी (१०+२) किंवा डिप्लोमा (१०+३) मेकॅनिकल, ऑटोमोबाईल, फायरमध्ये किमान ५०% गुणांसह उत्तीर्ण केलेले असावे. वरिष्ठ सहाय्यक पदांसाठी, उमेदवारांना संबंधित विषयात, पीजी, ग्रॅज्युएट, डिप्लोमा आणि संबंधित क्षेत्रात किमान 2 वर्षांचा अनुभव असावा. सर्व पदांसाठी 30 सप्टेंबर 2022 रोजी उमेदवारांचे वय 18 वर्षांपेक्षा कमी आणि 30 वर्षांपेक्षा जास्त नसावे. तसेच, राखीव प्रवर्गातील उमेदवारांना केंद्र सरकारच्या नियमांनुसार उच्च वयोमर्यादेत सवलत दिली जाते. पात्रतेबाबत अधिक माहितीसाठी, भरती जाहिरात पहा.
असा असेल पगार : कनिष्ठ सहाय्यक (अग्निशमन सेवा): रु. 31000-92000, कनिष्ठ सहाय्यक (कार्यालय): रु. 31000-92000, वरिष्ठ सहाय्यक (खाते): रु. 36000-110000, वरिष्ठ सहाय्यक (अधिकृत भाषा): रु. 36000-110000 येथे करा अर्ज :इच्छुक आणि पात्र उमेदवार aai.aero/en/careers/recruitment या अधिकृत वेबसाइटला भेट देऊन अर्ज करू शकतात. Job Recruitment
