Child Success Story: अविश्वसनीय! ५ वर्षाच्या मुलीने चिमुललीने सर केले माउंट एव्हरेस्ट बेस कॅम्प

प्रिशा लोकेश निकाजू या मध्यप्रदेशमधील बैतुल जिल्ह्यातील साडेपाच वर्षाच्या मुलीने एव्हरेस्टच्या बेस कॅम्पवर पोहोचण्याचे मोठे आव्हान पेलले आहे. तिच्या या अतुलनीय पराक्रमाने मागील सर्व विक्रम मोडीत काढले आहेत. हा अविश्वसनीय टप्पा पूर्ण करणारी ती सर्वात तरुण गिर्यारोहक बनली आहे.

भोपाळ (मध्य प्रदेश): मध्य प्रदेशातील बैतुल जिल्ह्यातील प्रिशा लोकेश निकाजू या छोट्या मुलीने अविश्वसनीय कामगिरी केली आहे. 5 वर्षे आणि 6 महिन्यांच्या कोवळ्या वयात ती 17,598 फूट उंची गाठणारी सर्वात तरुण गिर्यारोहक बनली आहे. तिने माउंट एव्हरेस्ट बेस कॅम्प सर केला आहे. हा भव्य पर्वत सर करण्यासाठी तिला एकूण ९ दिवस लागले. हे विस्मयकारक आव्हान स्वीकारण्यापूर्वी प्रिशाने महाराष्ट्रातील अनेक शिखरे आणि किल्ले सर केले आहेत.

अविश्वसनीय प्रवासासाठी तयारी :प्रिशाचे वडील लोकेश निकाजू यांनी सांगितले की, 24 मे रोजी, ते नेपाळमधील लुक्ला येथे पोहोचले. ते तिच्या चित्तथरारक ट्रेकसाठी सज्ज झाले. ही एक रोमांचकारी रोलर कोस्टर राइड होती. 1 जून 2023 रोजी, प्रिशाने एव्हरेस्ट बेस कॅम्पवर भारतीय ध्वज उंच फडकावला, ही ऐतिहासिक कामगिरी आहे. त्यानंतर त्यांनी 4 जून 2023 रोजी लुक्ला येथे परतण्याचा मार्ग पत्करला. प्रिशाचे आई-वडील खूप दिवसांपासून तिला या अविश्वसनीय प्रवासासाठी तयार करत होते. ते एकत्र प्रशिक्षण घेत होते, तिची सहनशक्ती आणि सामर्थ्य वाढवत होते. ती दररोज 5 ते 6 मैल चालत असे, एरोबिक्स करत असे, जिने चढत असे.

माउंट एव्हरेस्ट सर करण्याचे स्वप्न : ते म्हणतात, तिला लहानपणापासूनच ट्रेकिंगची आवड होती. म्हणून आम्ही तिला लहानपणी प्रशिक्षण देऊ लागलो. सुरुवातीला मी तिला पायऱ्या चढायला मदत केली, मग आम्ही तिला वीकेंडला छोट्या ट्रेकला जायचो. तिने महाराष्ट्रातील बहुतेक शिखरे आणि किल्ले चढले आहेत. पण 5000 मीटर चढणे आणि बेस कॅम्प गाठणे ही नक्कीच एक उपलब्धी आहे. तिने 6000 मीटर आणि नंतर 8000 मीटर चढण्याची योजना आहे. ती खूप लहान असली तरी माउंट एव्हरेस्ट सर करण्याचे तिचे स्वप्न आहे, असे त्यांनी ईटीव्ही भारतसोबत संवाद साधताना सांगितले.

बैतुलच्या जंगलात प्रशिक्षण :प्रिशा अवघ्या दोन वर्षांची असतानाच तिच्या आजी-आजोबांनी तिची विलक्षण प्रतिभा ओळखली. तेव्हाच तिचे बैतुलच्या जंगलात प्रशिक्षण सुरू झाले. नंतर, हे कुटुंब भोपाळला गेले. अखेरीस मुंबईच्या पलावा सिटी ठाणे येथे स्थायिक झाले. जिथे प्रिशाची खेळाची आवड वाढली. लोकेश, स्वतः गिर्यारोहक असल्याने त्यांनी प्रिशाचे साहसी प्रेम वाढवण्यात मोलाची भूमिका बजावली. आता प्रिशा पुढील प्रवासाची तयारी करणार आहे.

हेही वाचा :