തിരുവനന്തപുരത്ത് നടുറോഡില്‍ വിദ്യാര്‍ഥിയെ തല്ലിച്ചതച്ചു ; വളഞ്ഞിട്ടാക്രമിച്ചത് മറ്റൊരു സ്‌കൂളിലെ കുട്ടികള്‍
തിരുവനന്തപുരം : പട്ടത്ത് സ്‌കൂള്‍ വിദ്യാര്‍ഥിക്ക് ക്രൂരമര്‍ദനം. പട്ടം സെന്‍റ് മേരീസ് ഹയര്‍ സെക്കന്‍ഡറി സ്‌കൂളിലെ പ്ലസ് വണ്‍ വിദ്യാര്‍ഥി ജെ.ഡാനിയേലാണ് ക്രൂരമായ ആക്രമണത്തിന് ഇരയായത്. ബുധനാഴ്‌ച വൈകുന്നേരം സ്‌കൂളിന് മുന്നിലെ ബസ് കാത്തിരിപ്പ് കേന്ദ്രത്തില്‍വച്ചാണ് ഒരു സംഘം കുട്ടികള്‍ വളഞ്ഞിട്ടടിച്ചത്. നഗരത്തിലെ മറ്റൊരു സ്‌കൂളില്‍ പഠിക്കുന്നവരും പൂര്‍വ വിദ്യാര്‍ഥികളുമായിരുന്നു മര്‍ദനത്തിന് പിന്നില്‍. കുട്ടികള്‍ തമ്മില്‍ മുന്‍പുണ്ടായിരുന്ന തര്‍ക്കമാണ് ആക്രമണത്തില്‍ കലാശിച്ചത്. തലയ്ക്കും കഴുത്തിനും ഗുരുതരമായി പരിക്കേറ്റ ഡാനിയേല്‍ മെഡിക്കല്‍ കോളജില്‍ ചികിത്സയിലാണ്. കുട്ടിയുടെ ബന്ധുക്കള്‍ മെഡിക്കല്‍ കോളജ് പൊലീസില്‍ പരാതി നല്‍കിയിട്ടുണ്ട്. പ്രതിസ്ഥാനത്ത് പ്രായപൂർത്തിയാകാത്ത കുട്ടികളായതിനാൽ കേസെടുത്തിട്ടില്ല. ഇന്ന് വിശദമായ മൊഴിയെടുത്ത ശേഷം തുടര്‍ നടപടി സ്വീകരിക്കാനാണ് പൊലീസിന്‍റെ തീരുമാനം.
Last Updated : Feb 3, 2023, 8:23 PM IST