ജപ്പാനിലെ ആകാശത്ത് തിളക്കമേറിയ ഉല്‍ക്ക പ്രത്യക്ഷപ്പെട്ടു
ടോക്കിയോ: ജപ്പാനിലെ ആകാശത്ത് തിളക്കമേറിയ ഉല്‍ക്ക പ്രത്യക്ഷപ്പെട്ടു. ദൃശ്യം ടെലിവിഷനിലൂടെയും സമൂഹമാധ്യമങ്ങളിലൂടെയും നിമിഷം നേരം കൊണ്ടാണ് വൈറലായത്. ഞായറാഴ്‌ചയാണ് ഭൂമിയുടെ അന്തരീക്ഷത്തിലൂടെ തിളക്കമേറിയ ഉല്‍ക്ക പാഞ്ഞുപോയത്. അപൂര്‍വ്വ നിമിഷത്തിന് സാക്ഷിയാകാന്‍ കഴിഞ്ഞതായി നിരവധി പേര്‍ സമൂഹമാധ്യമങ്ങളില്‍ അനുഭവം പങ്കുവെച്ചു. ഉല്‍ക്കാശിലയുടെ ചെറിയ കഷ്‌ണങ്ങള്‍ ഭൂമിയിലെത്തിയേക്കാമെന്ന് വിദഗ്‌ധര്‍ വ്യക്തമാക്കി.