ലോകമാന്യതിലക് എക്‌സ്പ്ര‌സ്‌ ട്രെയിനിന് തീപിടിച്ചു
മുംബൈ: കൊല്‍ക്കത്തിയില്‍ നിന്ന് മുംബൈയിലേക്ക് പോകുകയായിരുന്ന ലോകമാന്യതിലക് ട്രെയിനിന് തീപിടിച്ചു. ഉത്തർപ്രദേശിലെ പ്രയാഗ്രാജിലെ ജെയ്ത്വരടി ഗ്രാമത്തിനടുത്താണ് സംഭവം. ട്രെയിനിന്‍റെ സ്‌പെഷ്യല്‍ എൻജിനിലാണ് തീപടര്‍ന്നത്. വിവരം ലഭിച്ചതിനെ തുടർന്ന് അഗ്നിശമന സേനാംഗങ്ങളുടെ സംഘം സ്ഥലത്തെത്തി തീ അണച്ചു. പെട്ടെന്ന് തീ അണയ്‌ക്കാനായതിനാല്‍ ആളപായമോ മറ്റോ ഉണ്ടായില്ല. എന്നാല്‍ നിരവധി ട്രെയിനുകളുടെ പ്രവർത്തനത്തെ സംഭവം ബാധിച്ചു. ചില ട്രെയിനുകളുടെ സര്‍വീസ് റദ്ദാക്കുകയും ചെയ്‌തു.