വനിതാ ദിനം; വയനാട്ടിൽ കുടുംബശ്രീ വനിതാ വാരാചരണം സംഘടിപ്പിച്ചു

മാർച്ച് ഒമ്പതിന് ജില്ലയിലെ എല്ലാ അയൽക്കൂട്ടങ്ങളും പ്രത്യേക യോഗം ചേരുകയും പൊതുസ്ഥലങ്ങളിൽ പ്രതിജ്ഞ എടുക്കുകയും ചെയ്യും.

വയനാട്: അന്താരാഷ്ട്ര വനിതാ ദിനത്തിന്‍റെ ഭാഗമായി കുടുംബശ്രീ വനിതാ വാരാചരണം സംഘടിപ്പിച്ചു. മാർച്ച് ഒമ്പതിന് രാത്രി ഏഴിന് ജില്ലയിലെ എല്ലാ അയൽക്കൂട്ടങ്ങളും പ്രത്യേക യോഗം ചേരുകയും പൊതുസ്ഥലങ്ങളിൽ പ്രതിജ്ഞ എടുക്കുകയും ചെയ്യും. ഈ മാസം 15ന് കുടുംബശ്രീ ഉൽപന്നങ്ങൾ ഓരോ വീട്ടിലേക്കും നേരിട്ട് എത്തിക്കുന്ന പദ്ധതി തുടങ്ങുമെന്ന്‌ ജില്ലാ കുടുംബശ്രീ മിഷൻ ജില്ലാ കോ-ഓർഡിനേറ്റർ പി.സാജിത പറഞ്ഞു.