വയനാട്:വന്യമൃഗ ശല്യം രൂക്ഷമായ പൊഴുതനയില്‍ വിഷയത്തില്‍ നടപടി എടുക്കണമെന്ന് ആവശ്യപ്പെട്ട് ജനകീയ സമിതി റോഡ് ഉപരോധിച്ചു. പഞ്ചായത്തിലെ അഞ്ച് വാര്‍ഡുകളിലുള്ള കുടുംബങ്ങളുടെ നേതൃത്വത്തിലാണ് ഉപരോധം നടത്തിയത്. സേട്ടുക്കുന്ന്, ഇടിയംവയൽ, മേൽമുറി, വലിയപാറ, കുറിച്യാർമല എന്നീ പ്രദേശവാസികളും ഉപരോധത്തിൽ പങ്കെടുത്തു.
വന്യമൃഗ ശല്യത്തെ തുടര്‍ന്ന് വയനാട് റോഡ് ഉപരോധം
പഞ്ചായത്തിന്‍റെ വിവിധയിടങ്ങളില്‍ വന്യമൃഗ ശല്യം രൂക്ഷമായിട്ട് ആഴ്‌ചകള്‍ പിന്നിട്ടു. തലനാരിഴക്കാണ് പലരും വന്യജീവി ആക്രമണങ്ങളില്‍ നിന്ന് രക്ഷപ്പെടുന്നത്. സംഭവത്തില്‍ നടപടി എടുക്കണമെന്ന് ആവശ്യപ്പെട്ട് നിരവധി തവണ വനം വകുപ്പ് അധികൃതരെ സമീപിച്ചെങ്കിലും നടപടിയുണ്ടായില്ല.