മസാല ബോണ്ട് ഇടപാട് സുതാര്യമാക്കണമെന്ന് വി ഡി സതീശൻ എംഎൽഎ

മസാല ബോണ്ട് ഇടപാടില്‍ തുടക്കം മുതൽ സർക്കാർ നുണ പറയുകയാണെന്നും കാര്‍ഷിക പ്രശ്നത്തില്‍ ഇടത് പാര്‍ട്ടികള്‍ കോണ്‍ഗ്രസിനെ കുറ്റപ്പെടുത്തുന്നത് ബിജെപിയെ രക്ഷിക്കാനാണെന്നും വി ഡി സതീശന്‍.

വയനാട്: മസാല ബോണ്ട് ഇടപാട് ദുരൂഹമെന്ന് വി ഡി സതീശൻ എംഎൽഎ. ഇടപാടുകൾ സുതാര്യമാക്കാൻ സർക്കാർ തയ്യാറാകണമെന്നും ഇടപാടിൽ തുടക്കം മുതൽ സർക്കാർ നുണ പറയുകയാണെന്നും വി ഡി സതീശന്‍ ആരോപിച്ചു.

കാർഷിക പ്രശ്നത്തിൽ ഇടതു പാർട്ടികൾ കോൺഗ്രസിനെ കുറ്റപ്പെടുത്തുന്നത് ബിജെപിയെ രക്ഷിക്കാൻ വേണ്ടിയാണെന്നും വി ഡി സതീശന്‍ ആരോപിച്ചു. കേരളത്തിലെ എല്ലാ കർഷകരുടെയും കടം എഴുതിതള്ളാൻ മുഖ്യമന്ത്രിയെയും സർക്കാരിനെയും വെല്ലുവിളിക്കുന്നു. കർഷക മാർച്ച് ആദ്യം നടത്തേണ്ടത് മുഖ്യമന്ത്രിയുടെ വസതിയിലേക്കാണെന്നും ഇത്തവണത്തെ തെരഞ്ഞെടുപ്പിന് ശേഷം ഇടതുപാർട്ടികൾക്ക് ഒരു പ്രസക്തിയുമുണ്ടാകില്ലെന്നും വി ഡി സതീശൻ പറഞ്ഞു.