മുത്തങ്ങ ചെക്ക് പോസ്റ്റിൽ ലഹരി ഗുളികകളുമായി രണ്ട് പേര്‍ പിടിയില്‍

കോഴിക്കോട് സ്വദേശികളായ പി.കെ. റെജീസ്, പി.സി. ജുനൈദ് എന്നിവരാണ് പിടിയിലായത്.

വയനാട്: മുത്തങ്ങ എക്സൈസ് ചെക്ക് പോസ്റ്റിൽ ലഹരി ഗുളികകളുമായി കോഴിക്കോട് സ്വദേശികൾ പിടിയില്‍. പി.കെ. റെജീസ്, പി.സി. ജുനൈദ് എന്നിവരാണ് പിടിയിലായത്. ചെക്ക് പോസ്റ്റിൽ നടത്തിയ വാഹന പരിശോധനയില്‍ മൈസൂർ കോഴിക്കോട് കെഎസ്ആർടിസി ബസിൽ നിന്നാണ് ഇവർ പിടിയിലായത്. എക്സൈസ് കമ്മിഷണറുടെ ഓപ്പറേഷന്‍ വിശുദ്ധിയുടെ ഭാഗമായി വയനാട് ഡെപ്യൂട്ടി എക്സൈസ് കമ്മിഷണറുടെ നേതൃത്വത്തിലായിരുന്നു പരിശോധന.