വേദനകൾ ഉള്ളിലൊതുക്കി ഓണമുണ്ട് പുത്തുമല

പ്രളയ ദുരിതത്തിന്‍റെ വേദനകള്‍ മറന്ന് ഒത്തുചേരലിന്‍റെ ആനന്ദത്തില്‍ പുത്തുമലയിലെ പ്രളയബാധിതര്‍.

വയനാട്: പ്രളയ ദുരിതങ്ങൾ ഉള്ളിലൊതുക്കി വയനാട് പുത്തുമലയിലെ ദുരിതബാധിതർ ഓണം ആഘോഷിച്ചു. ജില്ലയുടെ ചുമതലയുള്ള മന്ത്രി കടന്നപ്പള്ളി രാമചന്ദ്രനും പ്രളയബാധിതര്‍ക്കൊപ്പം ഓണസദ്യ ഉണ്ണാനെത്തി. പുത്തുമലയിലുള്ളവർ ദുരന്തത്തെ അതിജീവിച്ചത് മാതൃകാപരമാണെന്ന് മന്ത്രി പറഞ്ഞു. ചടങ്ങിൽ ഒത്തുകൂടിയവർക്ക് വേണ്ടി ഗാനം ആലപിക്കാനും മന്ത്രി സമയം കണ്ടെത്തി.

പുത്തുമലയിലുണ്ടായ ഉരുൾപൊട്ടലിൽ ഉറ്റവരെ നഷ്‌ടപ്പെട്ടവരും വീടുകൾ നഷ്‌ടപ്പെട്ടവരുമെല്ലാം കുറച്ചുനേരത്തേക്ക് വേദനകൾ മറന്ന് ഒത്തുചേര്‍ത്തു. പുത്തുമല കപ്പേള ഹാളില്‍ സംഘടിപ്പിച്ച പരിപാടിയില്‍ കൽപ്പറ്റ എം.എൽ.എ സി.കെ. ശശീന്ദ്രൻ, സബ് കലക്‌ടർ എന്‍.എസ്‌.കെ ഉമേഷ്, മേപ്പാടി പഞ്ചായത്ത് പ്രസിഡന്‍റ് കെ.കെ സഹദ് എന്നിവര്‍ പങ്കെടുത്തു.