വയനാട്ടിൽ പന്നിക്കെണിയിൽ വീണ പുള്ളിപ്പുലി രക്ഷപ്പെട്ടു

പന്നിക്കെണിയില്‍ നിന്ന് രക്ഷപെടുത്താൻ വനം വകുപ്പ് ശ്രമം നടത്തുന്നതിനിടെയാണ് പുലി രക്ഷപ്പെട്ടത്.

വയനാട്:വയനാട്ടിൽ കെണിയിൽ കുടുങ്ങിയ നിലയിൽ കണ്ടെത്തിയ പുലി രക്ഷപ്പെട്ടു. പന്നിക്കെണിയില്‍ വീണ പുലിയെ രക്ഷപ്പെടുത്താൻ വനം വകുപ്പ് ശ്രമം നടത്തുന്നതിനിടെയാണ് പുലി രക്ഷപ്പെട്ടത്. സുൽത്താൻ ബത്തേരിക്കടുത്ത് മൂലങ്കാവിലെ സ്വകാര്യ കൃഷിയിടങ്ങളോട് ചേർന്നാണ് പുള്ളിപ്പുലിയെ കെണിയിൽ കുടുങ്ങി കിടക്കുന്ന നിലയിൽ കണ്ടെത്തിയത്.