'അത് കടം വാങ്ങിയ പണം' ; സി.കെ ശശീന്ദ്രനെ ശരിവച്ച് സി.കെ ജാനു

കോഴപ്പണമാണ് കൈമാറിയതെന്നത് അടിസ്ഥാന രഹിതമെന്ന് സി.കെ ജാനു.

വയനാട് :സിപിഎം നേതാവും മുന്‍ എംഎല്‍എയുമായസി.കെ.ശശീന്ദ്രന്‍ പറഞ്ഞത് ശരിയാണെന്ന് സി.കെ.ജാനു. തന്‍റെ കയ്യിൽ നിന്ന് കടം വാങ്ങിയ പണമാണ് ജാനു നൽകിയതെന്നാണ് സി.കെ ശശീന്ദ്രന്‍ ശനിയാഴ്‌ച പറഞ്ഞത്. ഇതിനെ ശരിവച്ചാണ് സി.കെ ജാനു രംഗത്തെത്തിയത്.

കടം വാങ്ങിയ പണം തിരികെ നൽകുകയായിരുന്നു. അത് കൃഷി ചെയ്‌ത് ലഭിച്ചതാണ്. കോഴപ്പണമാണ് കൈമാറിയതെന്നത് അടിസ്ഥാന രഹിതമായ ആരോപണമാണ്. ഇത്തരം ആക്ഷേപങ്ങള്‍ ഉന്നയിക്കുന്നവർക്കെതിരെ നിയമ നടപടി സ്വീകരിക്കുമെന്നും സി.കെ.ജാനു വയനാട്ടിൽ പറഞ്ഞു.