സ്ഥാനാർഥിയാകാൻ കോഴ; കെ. സുരേന്ദ്രനെതിരെ കേസ്

കൽപ്പറ്റ കോടതിയുടെ നിർദ്ദേശ പ്രകാരമാണ് കേസെടുത്തിരിക്കുന്നത്

വയനാട്: ബിജെപി സംസ്ഥാന അധ്യക്ഷൻ കെ. സുരേന്ദ്രനെതിരെ സുൽത്താൻ ബത്തേരി പൊലീസ് കേസ് രജിസ്റ്റർ ചെയ്തു. സ്ഥാനാർഥിയാകാൻ കൈക്കൂലി നൽകിയെന്ന കുറ്റം ചുമത്തിയാണ് കേസ് രജിസ്റ്റർ ചെയ്തിരിക്കുന്നത്.

കൈക്കൂലി നൽകിയെന്ന പരാതിയിൽ കേസെടുക്കാൻ കൽപ്പറ്റ കോടതി നിർദ്ദേശം നൽകിയിരുന്നു. സി.കെ ജാനുവിനെയും കേസിൽ പ്രതി ചേർത്തിട്ടുണ്ട്.