തൃശൂര്‍: സംസ്ഥാനത്ത് വീണ്ടും സ്‌ത്രീധന പീഡന മരണം. തൃശൂര്‍ പെരിഞ്ഞനത്താണ് സ്‌ത്രീധന പീഡനത്തെ തുടര്‍ന്ന് ആത്മഹത്യക്ക് ശ്രമിച്ച യുവതി മരിച്ചത്. തൃശൂര്‍ പെരിഞ്ഞനം കൊറ്റംകുളം സ്വദേശി കൊല്ലാട്ടിൽ അമലിൻ്റെ ഭാര്യ(21) അഫ്‌സാന ആണ് മരിച്ചത്.
തുടര്‍കഥയാവുന്ന സ്‌ത്രീധന പീഡന മരണം; തൃശൂരില്‍ ആത്മഹത്യക്ക് ശ്രമിച്ച യുവതി മരിച്ചു
തൃശൂര്‍ പെരിഞ്ഞനത്താണ് സ്‌ത്രീധന പീഡനത്തെ തുടര്‍ന്ന് ആത്മഹത്യക്ക് ശ്രമിച്ച യുവതി മരിച്ചത്. സംഭവത്തില്‍ ഇവരുടെ ഭര്‍ത്താവിനെ പൊലീസ് അറസ്റ്റ് ചെയ്‌തു
തുടര്‍കഥയാവുന്ന സ്‌ത്രീധന പീഡന മരണം; തൃശൂരില്‍ ആത്മഹത്യക്ക് ശ്രമിച്ച യുവതി മരിച്ചു
സ്‌ത്രീധന പീഡനത്തെ തുടര്‍ന്ന് ഓഗസ്റ്റ് ഒന്നിനാണ് മൂന്ന്‌പീടികയിലെ ഫ്ലാറ്റിൽ വച്ച് അഫ്‌സാന അത്മഹത്യക്ക് ശ്രമിച്ചത്. ചികിത്സയിൽ ഇരിക്കെ ഇന്ന്(10.08.2022) തൃശൂർ മെഡിക്കൽ കോളജ് ആശുപത്രിയിൽ വച്ചാണ് അഫ്‌സാന മരിച്ചത്. സംഭവത്തെ തുടർന്ന് ഇന്നലെ രാത്രി തന്നെ കയ്‌പമംഗലം പൊലീസ് ഭര്‍ത്താവ് അമലിനെ അറസ്റ്റ് ചെയ്‌തിരുന്നു.
അറസ്റ്റ് ചെയ്‌തതിന് ശേഷം അമലിനെ കോടതിയില്‍ ഹാജരാക്കി റിമാന്‍ഡ്‌ ചെയ്‌തു. കൊടുങ്ങല്ലൂര്‍ കരൂപടന്ന സ്വദേശിയാണ് അഫ്‌സാന. ഒന്നര വർഷം മുമ്പാണ് ഇരുവരും വിവാഹിതരായത്.