തൃശൂര്‍: കൊവിഡ്‌ പ്രതിസന്ധിക്ക് ശേഷം വാദ്യ കലാകാരന്മാരുടെ തിരിച്ച് വരുവ് ആഘോഷിച്ച് സാംസ്‌കാരിക തലസ്ഥാനം. പൂര പ്രേമികളുടെ നേതൃത്വത്തില്‍ പാണ്ടി മേളം നടത്തിയായിരുന്നു ആ തിരിച്ചുവരവ്. നാളുകള്‍ക്ക് ശേഷമുള്ള മേളപ്പെരുക്കം കാണികളിലും ആവേശമുണ്ടാക്കി.
കൊവിഡ്‌ പ്രതിസന്ധിക്ക് ശേഷം പാണ്ടി മേളം കൊട്ടിയിറക്കി വാദ്യ കാലാകാരന്മാര്‍; ആവേശം അടക്കാനാകാതെ കാണികള്‍
പഞ്ചവാദ്യത്തിന്‍റെ ഈറ്റില്ലമായ ബ്രഹ്മസ്വം മഠത്തില്‍ കുട്ടന്‍ മാരാരും സംഘവും കൊട്ടിയിറക്കിയ പാണ്ടിമേളത്തിന്‍റെ രൗദ്ര സംഗീതം കാണികളില്‍ ചൊറുതല്ലാത്ത ആവേശമാണ് ഉണ്ടാക്കിയത്. മൂന്ന് മണിക്കൂര്‍ നീണ്ട്‌ നിന്ന മേളത്തില്‍ നൂറ്റിയിരുപതോളം കലാകാരന്മാര്‍ പങ്കെടുത്തു.