തൃശ്ശൂർ ജില്ലാ കളക്ടർ ടി വി അനുപമയുടെ കാർ അപകടത്തിൽപ്പെട്ടു

എതിർദിശയിൽ വന്ന മറ്റൊരു കാർ കളക്ടറുടെ കാറിൽ ഇടിക്കുകയായിരുന്നു. കളക്ടർ മറ്റൊരു കാറിൽ തൃശൂരിലേക്ക് യാത്ര തുടര്‍ന്നു.

തൃശ്ശൂർ ജില്ലാ കളക്ടർ ടി വി അനുപമയുടെ കാർ ചാലക്കുടിയിൽ അപകടത്തിൽപ്പെട്ടു. ഇന്ന് ഉച്ചക്ക് ഒരു മണിക്കാണ് സംഭവം. കളക്ടർ ഉൾപ്പെടെ ആർക്കും പരിക്കില്ല. ചാലക്കുടി പഴയ ദേശീയ പാതയിൽ കാർസ് ഇന്ത്യ വർക്ക് ഷോപ്പിന് സമീപമാണ് അപകടം നടന്നത്. എതിർദിശയിൽ വന്ന മറ്റൊരു കാർ കളക്ടറുടെ കാറിൽ ഇടിക്കുകയായിരുന്നു. കളക്ടർ മറ്റൊരു കാറിൽ തൃശൂരിലേക്ക് യാത്ര തുടര്‍ന്നു. തെര‍ഞ്ഞെടുപ്പിന്‍റെ ഭാഗമായി ചാലക്കുടിയിൽ നടന്ന അവലോകന യോഗം കഴിഞ്ഞ് തിരികെ തൃശ്ശൂരിലേക്ക് പോകുമ്പോഴാണ് അപകടം. ചാലക്കുടി പൊലീസ് സ്ഥലത്തെത്തി മേൽ നടപടികൾ സ്വീകരിച്ചു.