തൃശൂര്:ക്ഷേത്രം മേല്ശാന്തിയായി പാലക്കാട് കൂനത്തറ തിയ്യന്നൂര് മനയില് ടിഎം കൃഷ്ണചന്ദ്രനെ നറുക്കെടുപ്പിലൂടെ തെരഞ്ഞെടുത്തു. ഏപ്രില് ഒന്നു മുതല് ആറു മാസത്തേക്കാണ് നിയമനം. കഴിഞ്ഞ 11 വര്ഷമായി പങ്കെടുക്കുന്ന കൃഷ്ണചന്ദ്രന് ഇത്തവണയാണ് ഭാഗ്യം തുണച്ചത്. "ഇപ്രവശ്യം കണ്ണന് എന്നെയാണ് ഇഷ്ടമെന്നുതോന്നുന്നു," നറുക്കെടുപ്പിന് ശേഷം കൃഷ്ണചന്ദ്രന്റെ പ്രതികരണം ഇങ്ങനെയായിരുന്നു.
ഗുരുവായൂര് ക്ഷേത്രത്തിലെ ഉച്ച പൂജയ്ക്കു ശേഷം നമസ്കാര മണ്ഡപത്തിൽ ക്ഷേത്രം തന്ത്രി ബ്രഹ്മശ്രീ പി സി ദിനേശൻ നമ്പൂതിരിപ്പാടിൻ്റെ നിർദേശമനുസരിച്ച് വെള്ളിക്കുടത്തിൽ നിക്ഷേപിച്ച പേരുകളിൽ നിന്ന് നിലവിലെ മേൽശാന്തി കവളപ്പാറ കാരക്കാട് തെക്കേപ്പാട്ട് ജയപ്രകാശൻ നമ്പൂതിരിയാണ് നറുക്കെടുത്തത്.