തൃശൂര്‍: വൈദ്യുതിയുടെ ഉപഭോഗം വര്‍ധിക്കുകയും ഉല്‍പ്പാദനം കുറയുകയും ചെയ്യുന്ന സാഹചര്യത്തില്‍ ബദല്‍ ഊര്‍ജ പദ്ധതികൾക്ക് ഊന്നല്‍ നല്‍കേണ്ടതുണ്ടെന്ന് മുഖ്യമന്ത്രി പിണറായി വിജയന്‍. പെരിഞ്ഞനോര്‍ജം സോളാര്‍ പദ്ധതിയടക്കം വിവിധ പദ്ധതികളുടെ ഉദ്ഘാടനം പെരിഞ്ഞനം പഞ്ചായത്തില്‍ നിര്‍വഹിച്ച് സംസാരിക്കുകയായിരുന്നു അദ്ദേഹം.
ബദല്‍ ഊര്‍ജ പദ്ധതികൾക്ക് ഊന്നല്‍ നല്‍കണമെന്ന് മുഖ്യമന്ത്രി
കേരളത്തിന്‍റെ ആഭ്യന്തര വൈദ്യുതി ഉപഭോഗത്തിന്‍റെ 70 ശതമാനം പുറത്തുനിന്ന് വാങ്ങുകയാണ്. ബാക്കിയുള്ള 30 ശതമാനത്തില്‍ കൂടുതലും ജല വൈദ്യുത പദ്ധതികള്‍ വഴിയാണ്. സൗരോര്‍ജ്ജ ഉല്‍പ്പാദനം ഒരേ സമയം വൈദ്യുതി ഉപഭോഗം കുറക്കുകയും ആഗോള താപനത്തെ പ്രതിരോധിക്കുകയും ചെയ്യും. ഇക്കാര്യത്തില്‍ പെരിഞ്ഞനം പഞ്ചായത്ത് രാജ്യത്തിന് തന്നെ മാതൃകയാണെന്നും മുഖ്യമന്ത്രി കൂട്ടിച്ചേര്‍ത്തു.