തൃശൂര്‍: ഭരണഘടനയുടെ ആമുഖം വായിക്കുന്നവരെ തുറങ്കിലടക്കുന്ന സർക്കാരാണ് ഇന്ത്യ ഭരിക്കുന്നതെന്ന് ഭീം ആർമി നേതാവ് ചന്ദ്രശേഖർ ആസാദ്. പൗരത്വ ഭേദഗതി നിയമത്തിനെതിരെ കൊടുങ്ങല്ലൂരിൽ സിറ്റിസൺ ഫോറം ഇന്ത്യ സംഘടിപ്പിച്ച ബഹുസ്വര റാലിയെ അഭിസംബോധന ചെയ്യുകയായിരുന്നു അദ്ദേഹം.
ഇന്ത്യ ഭരിക്കുന്നത് ഭരണഘടനയുടെ ആമുഖം വായിക്കുന്നവരെ തുറങ്കിലടക്കുന്ന സര്‍ക്കാര്‍: ചന്ദ്രശേഖര്‍ ആസാദ് സമൂഹത്തിന്‍റെ സ്വാത്രന്ത്യത്തേക്കാൾ വലുതല്ല ജീവനെന്നും സമരമുഖത്തുള്ളവരെ അടച്ചിടാൻ തക്ക വലുപ്പമുള്ള ജയിലുകൾ രാജ്യത്തില്ലെന്നും ചന്ദ്രശേഖർ ആസാദ് പറഞ്ഞു. പ്രധാനമന്ത്രിയും സഹമന്ത്രിമാരും നുണ പറയുന്നതിൽ മത്സരിക്കുകയാണെന്നും അദ്ദേഹം കൂട്ടിച്ചേര്‍ത്തു. അഴീക്കോട് മുനക്കൽ ബീച്ചിൽ ലക്ഷക്കണക്കിനാളുകൾ പങ്കെടുത്ത സമ്മേളനം ഇ.ടി ടൈസൺ മാസ്റ്റർ എംഎൽഎ ഉദ്ഘാടനം ചെയ്‌തു. സിറ്റിസൺ ഫോറം ചെയർമാൻ ഡോ.പി.എ മുഹമ്മദ് സയീദ് ചടങ്ങില്‍ അധ്യക്ഷത വഹിച്ചു.
