കാർട്ടൂൺ വിവാദം; സർക്കാർ സമ്മർദത്തിന് വഴങ്ങി ലളിതകലാ അക്കാദമി

സർക്കാർ പ്രതിനിധി ഉള്‍പ്പെടുന്ന പുതിയ സമിതിയെ പുന:പരിശോധനക്കായി രൂപീകരിക്കുമെന്ന് അക്കാദമി

തൃശ്ശൂർ: കാർട്ടൂൺ പുരസ്കാരം പുന:പരിശോധിക്കാൻ തയ്യാറാണെന്ന് അറിയിച്ച് ലളിതകലാ അക്കാദമി സാംസ്കാരിക വകുപ്പിന് കത്ത് നൽകി. അഭിപ്രായമെന്നത് സ്ഥായിയല്ലെന്നും നിർവാഹക സമിതി മാത്രം തീരുമാനം എടുക്കുന്നത് യുക്തിയല്ലെന്നും പുന:പരിശോധന തീരുമാനം അറിയിച്ചുകൊണ്ട് അക്കാദമി സെക്രട്ടറി പൊന്ന്യം ചന്ദ്രൻ പറഞ്ഞു. പുന:പരിശോധനക്ക് സർക്കാർ പ്രതിനിധി അടക്കമുള്ള പുതിയ സമിതിയെ രൂപീകരിക്കുമെന്നും അക്കാദമി സെക്രട്ടറി അറിയിച്ചു. ഈ സാഹചര്യത്തിൽ പുരസ്‌കാരം നല്‍കുന്നത് വൈകാനാണ് സാധ്യത.