തൃശൂര്‍: തൃശൂര്‍ സ്വദേശി സ്നിജോയുടെയും അനുവിന്‍റെയും വിവാഹം ഈവര്‍ഷം ജനുവരി19നാണ് കഴിഞ്ഞത്. കൃത്യം ഒരു മാസം പിന്നിട്ടപ്പോള്‍ സ്നിജയോ വിട്ട് അനു മരണത്തിന് കീഴടങ്ങി. അവിനാശി ബസപകടത്തില്‍ മരിച്ച അനു ബെംഗ്ലൂരുവിലെ ജോലി സ്ഥലത്ത് നിന്നും അപകടം നടന്ന ബസില്‍ കയറിയത് വിദേശത്തേക്ക് പോകാന്‍ തയ്യാറെടുക്കുന്ന പ്രിയതമന്‍ സ്നിജോയെ യാത്രയാക്കാനാണ്. പക്ഷേ ഭര്‍ത്താവും ബന്ധുക്കളും സുഹൃത്തുക്കളും യാത്രയാക്കിയത് അനുവിന്‍റെ ഭൗതിക ശരീരത്തെ.
ഞായറാഴ്ച വിദേശത്തേക്ക് പോകാനിരുന്ന സ്നിജോയുടെ വീട്ടില്‍ അനുവിന്‍റെ ഭൗതിക ശരീരം വെള്ളപുതച്ച് കിടത്തിയപ്പോള്‍ മധുവിധുവിന്‍റെ മാധുര്യം മാറാത്ത സ്നിജോയുടെ സങ്കടം കണ്ടു നിന്നവര്‍ക്ക് പോലും സഹിക്കാനായില്ല.
മധുവിധു മധുരം മാറും മുമ്പേ സ്നിജോയെ തനിച്ചാക്കി അനു യാത്രയായി