തിരുവനന്തപുരം: അമ്പലപ്പുഴ മണ്ഡലത്തിലെ തെരഞ്ഞെടുപ്പ് പ്രവര്‍ത്തനം സംബന്ധിച്ച പരാതിയില്‍ വ്യക്തി കേന്ദ്രീകൃതമായ പരിശോധനയല്ല സിപിഎം നടത്തുന്നതെന്ന് സംസ്ഥാന സെക്രട്ടറി എ. വിജയരാഘവന്‍. അമ്പലപ്പുഴയില്‍ തെരഞ്ഞെടുപ്പ് പ്രവര്‍ത്തനം സംബന്ധിച്ച് പരാതി ഉയര്‍ന്നിരുന്നു. പാര്‍ട്ടി ഇത് സമിതിയെ വച്ച് പരിശോധിക്കാന്‍ തീരുമാനിച്ചു. പരാതിയുടെ നിജസ്ഥിതിയാണ് പരിശോധിക്കുന്നതെന്നും വിജയരാഘവന്‍ പറഞ്ഞു.
പരിശോധന വ്യക്തി കേന്ദ്രീകൃതമല്ലെന്ന് എ.വിജയരാഘവൻ
തെരഞ്ഞെടുപ്പ് പ്രവര്‍ത്തനങ്ങളിലുണ്ടായ പോരായ്‌മകള്‍ സിപിഎം ഗൗരവമായാണ് പരിഗണിക്കുന്നത്. വലിയ വിജയത്തിനിടയിലും ഉണ്ടായ ചെറിയ പോരായ്‌മകള്‍ സിപിഎം പരിശോധിക്കും. പാലയിലെയും കല്‍പ്പറ്റയിലേയും ഉള്‍പ്പെടെ ജയിക്കാവുന്ന മണ്ഡലങ്ങളിലെ തോല്‍വിയില്‍ സൂക്ഷ്‌മ പരിശോധന നടത്തും.