തിരുവനന്തപുരം: കൊവിഡ് മഹാമാരിയെ നേരിടാന്‍ സര്‍ക്കാരിന് നിരുപാധിക പിന്തുണ നല്‍കുമെന്ന് പ്രതിപക്ഷനേതാവ് വിഡി സതീശന്‍. ജനങ്ങള്‍ ബുദ്ധിമുട്ടുമ്പോള്‍ രാഷ്ട്രീയ പാര്‍ട്ടികള്‍ തമ്മിലടിക്കുന്നത് ജനം പുച്ഛിക്കും. പ്രതിപക്ഷ ധര്‍മം നിര്‍വഹിക്കും. സര്‍ക്കാരിന്‍റെ തീരുമാനങ്ങള്‍ പരിശോധിച്ച് തെറ്റുകളില്‍ നിന്ന് അവരെ തിരുത്തും. ഭരണപക്ഷത്തിനൊപ്പം നിന്ന് നന്നായി പ്രവര്‍ത്തിക്കുന്ന പ്രതിപക്ഷമാകുമെന്നും അദ്ദേഹം പറഞ്ഞു. മുതിര്‍ന്ന നേതാക്കന്മാരും രണ്ടാം തലമുറയിലെ നേതാക്കളും നല്‍കിയ പ്രചോദനം വളരെ വലുതാണെന്നും സതീശന്‍ പറഞ്ഞു.
കൊവിഡിനെ നേരിടാൻ സര്‍ക്കാരിന് പൂര്‍ണ പിന്തുണ: വി.ഡി സതീശന്‍