വിളപ്പിൽശാലയിൽ രണ്ട് പേർക്ക് വെട്ടേറ്റു

ബൈക്കിൽ സഞ്ചരിക്കുകയായിരുന്നവരെ തടഞ്ഞ് നിർത്തി വെട്ടുകയായിരുന്നു. അക്രമികൾ ബോംബെറിഞ്ഞ് പ്രദേശത്ത് ഭീകരാന്തരീക്ഷവും സൃഷ്‌ടിച്ചു

തിരുവനന്തപുരം: വിളപ്പിൽശാലയിൽ രണ്ട് പേർക്ക് വെട്ടേറ്റു. നെടിയാൻ വിള അരശുമൂട് സ്വദേശികളായ ലിജോ സൂരി, ബിനുകുമാർ എന്നിവർക്കാണ് വെട്ടേറ്റത്. ബൈക്കിൽ സഞ്ചരിക്കുകകായിരുന്ന ഇരുവരെയും ലിജോയുടെ ബന്ധുകൂടിയായ ജെയ്ൻ എന്നയാൾ തടഞ്ഞ് നിർത്തി വെട്ടുകയായിരുന്നു. അക്രമികൾ ബോംബെറിഞ്ഞ് പ്രദേശത്ത് ഭീതി പരത്തിയ സ്ഥലത്ത് നിന്നും രക്ഷപ്പെട്ടു.

ലിജോയുടെ സമീപവാസിയാണ് വെട്ടേറ്റ ബിനുകുമാർ. ലിജോക്ക് തലക്കും കാലിനുമാണ് വെട്ടേറ്റത്. കാലിലെ മുറിവ് ഗുരുതരമാണെന്ന് പൊലീസ് വ്യക്തമാക്കി. ബിനുകുമാറിന് കൈക്കാണ് പരിക്കേറ്റത്. ഇരുവരെയും തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. വ്യക്തി വൈരാഗ്യത്തിന്‍റെ പേരിലാണ് അക്രമം ഉണ്ടായതെന്നും അക്രമികളെ ഉടൻ അറസ്റ്റ് ചെയ്യുമെന്നും വിളപ്പിൽശാല സിഐ സജിമോൻ പറഞ്ഞു.