ട്വന്‍റി ട്വന്‍റി: ഇന്ത്യ- വെസ്റ്റ് ഇൻഡീസ് ടീമുകൾ തിരുവനന്തപുരത്ത് എത്തി

കേരള ക്രിക്കറ്റ് അസോസിയേഷന്‍റെ നേതൃത്വത്തിൽ താരങ്ങൾക്ക് സ്വീകരണം നൽകി.

തിരുവനന്തപുരം: നാളെ നടക്കുന്ന ട്വന്‍റി ട്വന്‍റി മത്സരത്തിനായി ഇന്ത്യ- വെസ്റ്റ് ഇൻഡീസ് ടീമുകൾ തിരുവനന്തപുരത്ത് എത്തി. ഹൈദരാബാദിൽ നിന്ന് പ്രത്യേക വിമാനത്തിലാണ് ടീമുകൾ തിരുവനന്തപുരത്ത് എത്തിയത്. കേരള ക്രിക്കറ്റ് അസോസിയേഷന്‍റെ നേതൃത്വത്തിൽ താരങ്ങൾക്ക് സ്വീകരണം നൽകി.

കോവളം ലീല ഹോട്ടലിലാണ് താരങ്ങൾക്ക് താമസമൊരുക്കിയിരിക്കുന്നത്. 5.45ന് എത്തുമെന്നാണ് അറിയിച്ചിരുന്നതെങ്കിലും 7 മണിയോടെയാണ് ടീമുകള്‍ എത്തിയത്. നാളത്തെ മത്സരത്തിനും മഴ ഭീഷണിയാകുമോ എന്ന ആശങ്ക നിലനില്‍ക്കുന്നുണ്ട്.