തിരുവനന്തപുരം:പിണറായി സർക്കാരിന്‍റെ അവസാന ബജറ്റ് അവതരിപ്പിക്കാൻ ധനമന്ത്രി തോമസ് ഐസക്ക് നിയമസഭയിൽ എത്തിയത് രാവിലെ 8.36ന്. രാവിലെ എട്ടുമണിയോടെ അച്ചടി ഭവനിൽ എത്തിയ ധനകാര്യ വകുപ്പ് ഉദ്യോഗസ്ഥർക്ക് അച്ചടി വകുപ്പ് മേധാവിയാണ് ബജറ്റ് കോപ്പികൾ കൈമാറിയത്. അമ്മക്കൊപ്പം പ്രഭാത ഭക്ഷണം കഴിച്ച് 8.20ഓടെ തോമസ് ഐസക്ക് വെള്ളയമ്പലത്തെ മൻമോഹൻ ബംഗ്ളാവിൽ നിന്ന് നിയമസഭയിലേക്ക് പുറപ്പെട്ടു. കടമെടുത്ത് വികസന പദ്ധതികൾ നടപ്പാക്കുന്നത് ആഗോള മാതൃകയാണെന്നും കടമെടുപ്പിനെ കുറിച്ച് ഓർത്ത് ആശങ്കപ്പെടേണ്ടതില്ലെന്നും തോമസ് ഐസക്ക് രാവിലെ മാധ്യമങ്ങളോട് പ്രതികരിച്ചു. പതിവ് പോലെ സഭയിലെ ഭരണപക്ഷ അംഗങ്ങളുമായി സൗഹൃദ സംഭാഷണം നടത്തിയ ശേഷം പ്രതിപക്ഷ ബെഞ്ചിലെത്തി പ്രതിപക്ഷ അംഗങ്ങളേയും കണ്ടു.
അമ്മക്കൊപ്പം പ്രഭാതഭക്ഷണം: സൗഹൃദം പുതുക്കി കവിത ചൊല്ലി തോമസ് ഐസക്കിന്റെ ബജറ്റ്