വൃദ്ധയെ തോട്ടിൽ മരിച്ച നിലയിൽ കണ്ടെത്തി

വെള്ളത്തിൽ വീണ തേങ്ങ എടുക്കാൻ ശ്രമിക്കുന്നതിനിടയിൽ അപകടം സംഭവിച്ചതാകാമെന്നാണ് പൊലീസ് നിഗമനം

തിരുവനന്തപുരം: ബാലരാമപുരത്ത് വൃദ്ധയെ തോട്ടിൽ മരിച്ച നിലയിൽ കണ്ടെത്തി. മംഗലത്തുകോണം സ്വദേശി ഇന്ദിര(60 )യാണ് മരിച്ചത്. ബാലരാമപുരം പൊലീസ് സ്ഥലത്തെത്തി പരിശോധന നടത്തി. മൃതദേഹം തിരുവനന്തപുരം മെഡിക്കൽ കോളജ് ആശുപത്രി മോർച്ചറിയിലേയ്ക്ക് മാറ്റി. വെള്ളത്തിൽ വീണ തേങ്ങ എടുക്കാൻ ശ്രമിക്കുന്നതിനിടയിൽ അപകടം സംഭവിച്ചതാകാമെന്നാണ് പൊലീസ് നിഗമനം.