തിരുവനന്തപുരം : തിരുവനന്തപുരം വർക്കല പാപനാശത്ത് സായാഹ്ന സവാരിക്ക് ഇറങ്ങിയ വിദേശ ടൂറിസ്റ്റുകളെ സാമൂഹ്യ വിരുദ്ധർ അസഭ്യം പറയുകയും കടന്നാക്രമിക്കുകയും ചെയ്തതായി പരാതി. തിങ്കളാഴ്ച രാത്രി 8 മണിയോടെ പാപനാശം തിരുവമ്പാടി ബീച്ചിൽ ആണ് സംഭവം.
യു.കെ സ്വദേശിനി ആയ ഇമ (29) ഫ്രാൻസ് സ്വദേശിനിയായ എമയി (23) എന്നിവർക്കാണ് സാമൂഹ്യ വിരുദ്ധരിൽ നിന്ന് ശാരീരികവും മാനസികവുമായ പീഡനം നേരിടേണ്ടി വന്നത്. മദ്യലഹരിയിൽ എത്തിയ സംഘമാണ് ഇവർക്ക് നേരെ അതിക്രമം നടത്തിയത്.
വർക്കല ബീച്ചിൽ വിദേശ വനിതകൾക്ക് നേരെ മദ്യപസംഘത്തിന്‍റെ ലൈംഗികാതിക്രമം
സംഘത്തിലെ ചിലർ നഗ്നത പ്രദർശനം നടത്തുകയും ശരീരത്തിൽ അടിച്ച് ഭീഷണിപ്പെടുത്തുകയും ചെയ്‌തെന്ന് വർക്കല സ്റ്റേഷനില്‍ ഇവർ നിൽകിയ പരാതിയിൽ പറയുന്നു. നാല് മാസമായി ഇവര്‍ വർക്കലയിലെ ഒരു ഹോം സ്റ്റേയിൽ താമസിച്ചുവരികയാണ്.