കന്യാകുളങ്ങരയില്‍ എസ്‌ഡിപിഐ- ഡിവൈഎഫ്ഐ സംഘർഷം

വെമ്പായം ജംഗ്ഷനിൽ രണ്ട് ഇരുചക്ര വാഹനങ്ങളിൽ വന്ന വ്യക്തികൾ തമ്മിലാണ് ആദ്യം വാക്കേറ്റമുണ്ടായത്‌. തുടർന്ന് രാഷ്ട്രീയ പാർട്ടികൾ പ്രശ്നം ഏറ്റെടുക്കുകയായിരുന്നു.

തിരുവനന്തപുരം: കന്യാകുളങ്ങരയില്‍ എസ്.ഡി.പി.ഐ- ഡി.വൈ.എഫ്.ഐ പ്രവര്‍ത്തകര്‍ ഏറ്റുമുട്ടി. വെമ്പായം ജംഗ്ഷനിൽ രണ്ട് ഇരുചക്ര വാഹനങ്ങളിൽ വന്ന വ്യക്തികൾ തമ്മിലാണ് ആദ്യം വാക്കേറ്റമുണ്ടായത്‌. മർദ്ദനത്തില്‍ പരിക്കേറ്റ രണ്ട് പേരും കന്യാകുളങ്ങര ആശുപത്രിയിൽ ചികിത്സ തേടി. സംഭവം അറിഞ്ഞ് ആശുപത്രിയിൽ എത്തിയ എസ്.ഡി.പി.ഐ- ഡി.വൈ.എഫ്.ഐ പ്രവർത്തകർ ഏറ്റുമുട്ടുകയായിരുന്നു. സ്ഥലത്തെത്തിയ പൊലീസ് ഇരു വിഭാഗത്തെയും വെഞ്ഞാറമൂട് സ്റ്റേഷനിലെത്തിച്ച് കേസെടുത്തു.