തിരുവനന്തപുരം: 2019ൽ കേന്ദ്ര സർക്കാർ നയങ്ങൾക്കെതിരെ പ്രതിപക്ഷ സംഘടനകൾ ആഹ്വാനം ചെയ്ത ദേശീയ പണിമുടക്കിൽ എസ്.ബി.ഐ ബാങ്ക് ആക്രമിച്ച കേസ് പരിഗണിക്കുന്നത് തിരുവനന്തപുരം ഒന്നാം ക്ലാസ് ജുഡീഷ്യൽ മജിസ്‌ട്രേറ്റ് കോടതി ഓഗസ്റ്റ് 23 ലേക്ക് മാറ്റി.
ജനുവരി 9നാണ് ഇടതു സംഘടനകൾ ആഹ്വാനം ചെയ്ത പണിമുടക്കിൽ എസ്.ബി.ഐ മെയിൻ ട്രഷറി ശാഖയ്ക്ക് നേരെ ആക്രമണമുണ്ടായത്. ബാങ്കിന്‍റെ മൊബൈൽ ഫോൺ, ലാൻഡ് ഫോൺ, മാനേജരുടെ ക്യാബിൻ എന്നിവ ആക്രമണത്തിൽ നശിച്ചു.