ബൈക്ക് അഗ്‌നിക്കിരയായതിന്‍റെ ദൃശ്യം
തിരുവനന്തപുരം: പാളയം രക്തസാക്ഷി മണ്ഡപത്തിന് മുന്‍പില്‍ ബൈക്ക് കത്തി നശിച്ചു. കെഎല്‍ 02 ബിസി 4615 എന്ന നമ്പറിലുള്ള പൾസർ ബൈക്കാണ് കത്തി നശിച്ചത്. ഇന്ന് വൈകിട്ട് നാലരയോടെയാണ് സംഭവം.
തിരുവനന്തപുരത്ത് ഓടിക്കൊണ്ടിരുന്ന ബൈക്ക് അഗ്‌നിക്കിരയായി; ഫയര്‍ഫോഴ്‌സ് എത്തി തീയണച്ചു
കരുനാഗപ്പള്ളി സ്വദേശിയുടെ ഇരുചക്രവാഹനമാണ് ഓടിക്കൊണ്ടിരിക്കവെ പാളയത്തുവച്ച് അഗ്‌നിക്കിരയായത്
ഫയര്‍ഫോഴ്‌സെത്തി തീയണച്ചു
എൻജിനിലെ സ്‌പാർക്ക് മൂലമുണ്ടായ ഷോർട്ട് സർക്യൂട്ടാവാം അപകടകാരണമെന്നാണ് പ്രാഥമിക നിഗമനം. ബൈക്ക് പൂർണമായും കത്തിനശിച്ചു. ചെങ്കൽച്ചൂളയിൽ നിന്ന് ഫയർഫോഴ്‌സിന്‍റെ രണ്ട് യൂണിറ്റ് എത്തിയാണ് തീ അണച്ചത്. കരുനാഗപ്പള്ളി സ്വദേശി അരുൺ ബാബുവിന്‍റെ ഉടമസ്ഥതയിലുള്ള വാഹനമാണിത്.
അപകടം നടക്കുമ്പോൾ അരുൺ ബാബുവിൻ്റെ സുഹൃത്ത് ശരത്താണ് വാഹനം ഓടിച്ചിരുന്നത്. ബൈക്കിൽ നിന്നും പുക ഉയരുന്നത് കണ്ട്‌ ശരത്ത് ഇറങ്ങി മാറിയതിനാൽ അപകടം ഒഴിവായി. സംഭവം നടക്കുമ്പോൾ ശരത്തിന്‍റെ സുഹൃത്തും വാഹനത്തിൽ ഉണ്ടായിരുന്നു. സ്ഥലത്തെത്തിയ കന്‍റോണ്‍മെന്‍റ് പൊലീസ് എഫ്ഐആർ രജിസ്റ്റർ ചെയ്‌തു.
Last Updated : Jan 22, 2023, 6:14 PM IST