ലക്ഷദ്വീപിലെ ഏക ഗുണ്ട പ്രഫുല്‍ ഖോഡ പട്ടേലെന്ന് കെ.മുരളീധരന്‍

അഡ്മിനിസ്‌ട്രേറ്ററെ തിരിച്ച് വിളിക്കുന്നത് വരെ എല്ലാവരും ഒറ്റക്കെട്ടായി സമരം ചെയ്യണമെന്ന് കെ മുരളീധരൻ പറഞ്ഞു.

തിരുവനന്തപുരം:ഗുണ്ടാ ആക്ട് നടപ്പാക്കുന്ന ലക്ഷദീപില്‍ ഏക ഗുണ്ട അഡ്മിനിസ്‌ട്രേറ്റര്‍ പ്രഫുല്‍ ഖോഡ പട്ടേലാണെന്ന് കെ.മുരളീധരന്‍ എം.പി. ലക്ഷദ്വീപില്‍ കാര്യങ്ങള്‍ കൈവിട്ട് പോകുകയാണ്. ലക്ഷദ്വീപിലെ ജനങ്ങളെ ശ്വാസം മുട്ടിക്കുന്ന നടപടികളാണ് നടക്കുന്നതെന്നും കെ മുരളീധരൻ എം പി പറഞ്ഞു.

ഈ പ്രവർത്തികൾക്കെതിരെ പ്രതിഷേധം സംഘടിപ്പിക്കണം. അഡ്മിനിസ്‌ട്രേറ്ററെ തിരിച്ച് വിളിക്കുന്നത് വരെ എല്ലാവരും ഒറ്റക്കെട്ടായി പൊരുതണമെന്നും എം.പിമാര്‍ ഒന്നിച്ച് ഇതിനായി സമരം ചെയ്യുമെന്നും കെ.മുരളീധരന്‍ വ്യക്തമാക്കി.