തിരുവനന്തപുരം : നെയ്യാറ്റിന്‍കരയില്‍ ഒരുമാസമായി പൂട്ടിയിട്ടിരുന്ന വീട്ടില്‍ നിന്ന് 30 കിലോ കഞ്ചാവ് പൊലീസ് കണ്ടെടുത്തു. ബ്രഹ്മംകോട് സ്വദേശി സനീഷ് കുമാറിന്‍റെ അടച്ചിട്ടിരുന്ന വീട്ടിൽ നിന്നാണ് കഞ്ചാവ് കണ്ടെടുത്തത്. സനീഷും ഭാര്യയും കഴിഞ്ഞ ഒരു മാസമായി മകളുടെ വിട്ടിലായിരുന്നു താമസം.
ഇന്ന്‌ (വെള്ളിയാഴ്‌ച) വീട്ടിലെത്തുമ്പോഴാണ് സിറ്റൗട്ടില്‍ ഇട്ടിരുന്ന കട്ടിലിനടിയിൽ നിന്നും കഞ്ചാവ് കണ്ടെത്തിയത്. 13 പാക്കറ്റ് കഞ്ചാവ് പൊതികള്‍ നാല് ബാഗുകളിലാക്കി സൂക്ഷിച്ച നിലയിലായിരുന്നു. തുടര്‍ന്ന് നെയ്യാറ്റിന്‍കര പൊലീസിനെ സനീഷ് വിവരമറിയിക്കുകയായിരുന്നു. വീട്ടുടമ വിവരമറിയിച്ചതിനെ തുടര്‍ന്ന് പൊലീസെത്തി നടപടി സ്വീകരിച്ചു.
പൂട്ടിയിട്ടിരുന്ന വീട്ടിൽ നിന്ന് കണ്ടെത്തിയത് 30 കിലോ കഞ്ചാവ്; പൊലീസ് അന്വേഷണം ആരംഭിച്ചു